Plantun de Prouvènço

Pèr coumpara dos planto d'encò nostre

Rhynchostegium confertum & Fissidens dubius

Rhynchostegium confertum

Brachytheciaceae

Nom en français : Long-bec-ramassé.

Descripcioun :
Aquelo pichoto mousso pluroucarpo trachis en pichoto mato gaire estentudo verdo claro e esbrihanto sus li pèiro, roco, muraio e tambèn li vièii souco e la ligno pourido dins lis endré à l'oumbro e umide. Longo de 2 à 3 cm, aquesto mousso fai de ramificacioun irreguliero. Li fueio, pas pu longo que 1,5 mm toujour plano, denticulado (au microuscope) soun en lanço e pau à cha pau s'acabon emé uno pouncho.

Usanço :
Se pòu engana emé d'àutri mousso pluroucarpo dóu meme gènre e di gènre proche.

Port : Pluroucarpo
Taio : 2 à 3 cm
Fueio : 1,3 à 1,5 mm
Tipe bioulougico :
Cicle bioulougico : Planto renadivo

Gènre : Rhynchostegium
Famiho : Brachytheciaceae

Ordre : Hypnales

Coulour de la flour :
Petalo : 1 cm
Ø (o loungour) flour : Coumplet
Flourido : Ivèr

Sòu : Ca Si
Autour basso e auto : 10 à 1800 m
Aparado : Noun
Desèmbre à mars

Liò : Pèiro - Roco - Muraio - Souco
Estànci : Mesoumediterran à Mountagnard
Couroulougi : Mieterrano e Oulartico
Ref. sc. : Rhynchostegium confertum (Dicks.) Schimp., 1852 (= Eurhynchium confertum (Dicks.) Milde, 1869 = Hypnum confertum Dicks., 1801 )

Mousso-divisado-doutouso

Fissidens dubius

Fissidentaceae

Nom en français : Fissident crête-de-coq.

Descripcioun :
Aquelo mousso dóu gènre Fissidens (peristome divisa, vèire li fotò) trachis sus li roco cauquiero e de cop que i'a au sòu. Es uno mousso pulèu pichoto auto de 1 à 3 cm. Fai partido dóu group qu'a ges de lòngui celulo sus lou bord de la fueio (fotò), pamens se vèi bèn uno bando de 3 à 4 cellulo pu claro. Se recounèis tambèn à sa pouncho de fueio emé un benc e que la costo s'acabo just avans lou bout (fotò). Es couneigudo pèr pas faire trop d'espouroufite, pamens sèmblo pas trop lou cas au nostre.

Usanço :
Se pòu counfoundre emé d'àutri meno dóu meme gènre subretout Fissidens taxifolius qu'a pas lou bout de fueio denta d'un biais irregulié e peréu que la costo vai fin qu'au bout dóu bènc (de vèire au microuscope).